اوقات القدر بيتغير ؟ بقلم /كريم سيد شاكر

سيستجيب ..
رغم كل حاجة بتحصل بتاكدلي انه مستحيل !!
= ايوة واللهِ رغم كل حاجة بتحصل سيستجيب فقط تمسك بالدعاء واليقين 🤚
"ف حد بيحكيي بيقول قبل ما اتجوز مراتي كان فيه مشاكل بالهبل بين الاهلين لدرجة اننا اتخطبنا بالعافية ومكناش متعشمين اصلا .. بس دعينا ربنا كتييير .. وبعد ما اتخطبنا كتبنا كتابنا وبعدها حصلت مشاكل كتيير اوي واطلقنا واحنا لسا متجوزناش !! بيقول قعدنا سنة مطلقين وطبعا استحالة استحالة استحالة نرجع لبعض خلاص .. لكن يشاء القدر اني اصلي مع والدها بالصدفة وبعد ما نسلم ابص جمبي الاقيه ف امد ايدي فسلمنا ع بعض فقالي لسه عاوزها من غير جواب بيقول رديت اه قالي تعالي وروحنا ع البيت وجبنا المأذون وكتبنا وحاليا معاهم طفلين .. مفهمتش ايه الهدف بردو .. بيقول طول السنة دي كنت قاعد ادعي يا رب اكتبها من نصيبي يارب اكتبهالي ولو ماليش خير فيها اكتبلي فيها خير .. بيقول بعد العقد مراتي قالتلي انها كانت بتدعي نفس الدعوة في قيام الليل يومها !! سبحانك يا رب .. ❤
اوقات القدر بيتغير ؟ ايوه القدر بيتغير ،، طيب ازاي ؟ بالدعاء
رسولنا الكريم بيقول لا يرد القضاء إلا الدعاء ..
يعني انا ممكن اغير قدر ربنا كتبهولي واجعل لنفسي فيه خير كمان ..
ايوة والله ممكن .. ادعي ربنا كتييييير اوي .. خليك لحوح وزنان .. ربنا بيحب العبد اللحوح ف الدعاء وف السؤال .. لو عاوز ربنا يوفقك في وظيفة او ف دراسه ادعي كتييير .. لو عاوز تخطب بنت وعاوز القبول مهما كانت المشاكل ادعي ربنا كتيير صدقني هيستجيب والله .. لو عاوزة تتزوجي من حد معين ادعي بيه ادعي ربناا يكتبك الخير فيه ..  مهما كان الامر معقد قدامك ادعي كتيير .. ربنا قال " وإذا سألك عبادي عني فإني قريب أجيب دعوة الداع اذا دعان" سيبك م كل الواقع والاسباب الدنيوية حواليكي وخلي عندك يقين كبيير اوي ان ربنا هيستجيب ..
هو انت هتكون في موقف اصعب من موقف الصحابي التاجر ال طلع عليه لص وقاله دع ما بيدك فاني قاتلك فالصحابي قاله ما لك بدمي خذ الاموال ف اللص رد عليه المال لي واريد دمك 🐸 .. الصحابي قاله طيب ممكن طلب وبعدها اعمل اللي انت عاوزه .. دعني اصلي اربع ركعات وبعدها اقتلني .. الحرامي وافق وقاله صلي ما بدا لك..
الصحابي وهوا ساجد فضل يدعي ربنا كتير وعندة يقين ان ربنا هينقذه <3 برغم ان اللص واقف مستنيه يخلص عشان يقتله !! مش بقولك يا بني اليقيين ..
الصحابي وهو ساجد فضل يدعي " يا ودود يا ودود ياذا العرش المجيد ياا فعال لما تريد اسالك بعزك الذي لا يرام وبملكك الذي لا يضام وبنورك الذي ملأ اركان عرشك ان تكفيني شر هذا اللص يا مغيث اغثني ثلاث مرات ..
وفجأه بعد الإنتهاء من الصلاة يلاقي فارس جاي ومعاه رمح ويضرب بيه اللص ويقتله.. ف الصحابي بيساله انت مين !! قاله انا ملَكٌ من أهل السماء الرابعة ، دعوت بدعائك الأول فسمعت لأبواب السماء قعقعة ، ثم دعوت بدعائك الثاني فسمعت لأهل السماء ضجة ، ثم دعوت بدعائك الثالث فقيل لي : دعاء مكروب ، فسألت الله تعالى أن يوليني قتله .. يالله
اليقين يا جماعة .. الراجل كان بيدعي وعندة يقين ان ربنا هينقذه.. هل انتي بقا ف ربع موقف الصحابي ده؟؟ استحالة اومال يئستي ليه .. هو كان عندة يقين ان ربنا هيستجيب واستجاب 😃،،
اوعي تفقد الامل في حاجة عند ربنا .. اقولك حاجة جميلة كمان .. ركز اوي في قيام الليل لما يكون عندك طلب وعاوز تنبهر بتحقيقه  ادعي ف قيام الليل .. سحر يا جماعة والله .. الدعاء فيها سحر يا جماعة والله العظيم .. الرسول صلي الله عليه وسلم بيقول ينزل الله الي السماء الدنيا كل يوم حين يمضي ثلث الليل الاول فيقول انا الملك انا الملك من ذا الذي يدعوني فأستجيب له ؟
 ..الشيخ حازم شومان بيحكي ان واحد مسافر السعودية مراتة كلمتةقالتله ابننا تعب وكشفت عليه الدكتور قال عندة كانسر في مخه !! قالها روحي لدكتور تاني ..راحت لواحد تاني قلها نفس الكلام ., كلمتة قالتله انزل مصر الحقنا .. بيقول راح حاجز وقال قبل ما انزل هروح اعمل عمرة ادعي وكدا بيقول روحت رايح عند الكعبة ومسكت ف الجدار وفضلت ابكي واقول يارب والله منا ماشي ولا متحرك من هنا الا لما تطمني وتستجيب لدعائي ..بيقول الحرس حاولوا يمشوه ولكنه صرخ وعيط بصوت عالي فسبوه مكانه .. بيقول بعدها بشوية مشي ورايح البيت علشان نازل مصر لقي مراتة بتتصل عليه وبتعيط وبتقوله الحمد لله دكتور تالت ورابع اكدوا ان اللي في مخ ابننا خراج مش كانسر واتاكدنا خلاص .. متخيليين من كانسر ل خراج!!
هقولك هنا ان الدعاء غير القدر فعلا ..ايوه الدعاء باليقين غير القدر ..
ادعوا ربنا بالحاجة اللي عاوزنها بينكم وبينه في صلاتكم .. اعملوا كل حاجة خير بنية الحاجة دي .. تصدق بنية ان ربنا يتقبل منك دعائك مثلا .. اسعوا واعملوا اللي عليكم وربنا والله ما هيخذلكم
الله <3 اية الجمال دة والرحمة دي .. !
فالمهم ادعوا يا جماعه ادعوا بقلبكوا وكانكوا بتقولوا لربناا حسن ظننا فيك اكبر من اكل الاسباب ادعوا .. واوعوا تسيبوا الحبل ال بينكوا وبين ربنا مهماا حصل وكل م اشتد عليكوا الامر وانقطعت الاسباب تيقنوا انه اوشك ان يستجيب. "والله ماا وفقك الله لدعاءٍ الا وهو يريد ان يستجيب لك ف اوعوا تياسوا ها 😃