كاسيات عاريات!! كريم سيد شاكر
 |
| كريم سيد شاكر |
أقسم بالله البنطلون واللبس الضيق مش هين
والله ما هين
مش بالسهولة دى .. هو أخطر من كدة بكتير
عارفة يعنى فرض ربنا وانتى تتساهلى فيه ؟
عارفة يعنى اية ربنا يفرض الحجاب بصفات معينة وأنتى تغيرى ف شرع ربنا وتعملى الحجاب على مزاجك ؟
ربنا فرض صلاة الظهر 4 ركعات ينفع تألفى فيها وتتساهلى وتقولى هصليهم ركعتين ؟
هتقولى مستحيل طبعا اصلى على مزاجى ..؟
طب ماانتى بتلبسى الحجاب على مزاجك وبتخترعى فيه كمان وبتنقى أكتر حاجة ملفتة؟
ما دة بردوا فرض زى باقى الفروض
هتتحاسبى عليه بردوا زى باقى الفروض
ماينفعش انقى فرض وأسيب فرض الدين مش على مزاجى
واستهوانك بالذنب أعظم عن الله من الذنب نفسه
إنك تتساهلى وتقولى ما هو حجاب اهو وعادى مفيش حاجة..؟ اية الفكرة من تغطيه شعرك ! هل تغطيه شعرك هى اللى مش هتفتن الشباب وانتى طالعة من البيت بزينتك .. يعنى هل تغطية شعرك أكثر فتنة من إبداء زينتك ولبسك الضيق
كل شاب بصلك هتاخدى ذنبك وذنبه عشان انتى اللى خلتيه يبص
ومفيش حاجة اسمها مايغض بصره
احنا مالناش دعوة يغض ولا لا
كل واحد يعمل بفرضه
هو ما عملش بالفرض أنتى كمان ماتعمليش بيه ؟
نظرة الناس ليكى مش هتنفعك .. مش هتنفعك صاحبتك اللى قالتلك على لبسك الضيق واااو دة تحفة ..
اية السبب اللى يخليكى تتأخرى فى تغير لبسك .. اية اللى واقف قدام رضا ربنا عنك ؟
اية الحجة اللى هتقوليها لربنا .. لما يسألك مش محجبة لية ؟ ايوة دة مش حجاب مش هنضحك على بعض
الحجاب ستر .. والطرحة والبنطلون والبلوزة والكارينا عمرهم ما كانوا ستر .. الحجاب لا يصف ولا يشف ..
حاليا البنات الصغيرة لما بتتحجب معروف بالنسبالها إنها تغطى شعرها وبس ..
كل بنت قلدتك هيكون ف ميزانك .. ذنوب جارية
جبال ذنوب وانتى مش ف بالك
وانتى نازلة من البيت بلبس يصف جسمك فأنتى ف معصية إلى أن تعودى البيت تانى..
هل أنتى ضامنة إنك ترجعى البيت أصلا ؟
لو مش ضامنة ماكنش دة بقى حالك
مافيش حاجة اسمها هغير لبسى لما اجيب او لما اكبر
من عاش على شئ مات عليه ولو فضلتى عايشة كدة هتموتى وانتى كدة احنا مش هنضحك على ربنا !
مافيش حاجة اسمها مش هيليق عليا اللبس دة ؟
انا بقولك رضا ربنا .. ماتقارنيش رضا ربنا بااى حاجة فى الدنيا .. هتقدرى وهتلبسى بس انتى اللى بتضحكى على نفسك وبتتحجى
الكلام شديد بس عشان والله الذنب كبير جدااا والموضوع زاد جداا
احنا مش قد غضب ربنا علينا .
احنا والله مش قده
ليست هناك تعليقات :