خليكم معايا للآخر يمكن نمسح كلمة مستحيل اللي بنعلق رقبتنا فيها كتب/كريم سيد شاكر

بقلم /كريم سيد شاكر 

في ناس كتير أوي بتنكسر بعد ما بتطلع من علاقة حب فاشلة مهما كان سبب الفشل .... خليكم معايا للآخر يمكن نمسح كلمة مستحيل اللي بنعلق رقبتنا فيها


_1لازم نعرف اننا هنمر بايام صعبة ومتعبة ..... بس هتعدي وهتنتهي مش هنفضل تعبانين .
2_لازم نبقي واثقين من نفسنا وكلنا فخر وعزة نفس اننا كنا ثابتين معاهم لحد النهاية ... احنا كنا وهنضل كويسين
3_الحياة مبتديش فرص للبكاء وافلام الدراما والحزن ومش هتسعدنا لما نفضل لابسين بنطلون بيجاما ونايمين طول النهار ولا حتي هتشبعنا لما نمتنع عن الأكل .... محدش سأل نفسه ليه بدل مانكمل تكسير في نفسنا نقاوم ونكمل حياتنا بنجاح .... فكر براحه كدا لو نجحت في حياتك .... مين اللي هيندم في النهاية !!!!!

4_ياريت منفترضش ونفضل نقول لو ..... خلاص حصل ... وكمان عديناها ... عديناها وعايشين عادي اهو .. طب ليه الوهم ؟! 5_متنسوش ان العلوم كتبت عن الحاله اللي انت بتمر بيها دلوقتي ... يعني متوهمش نفسك انك الوحيد اللي بتموت والوحيد اللي قلبك مكسور .... !! صح ولا  ؟؟ !!
6_آكيد طبعا ومش هنكر انه كان ظلم شديد اوي ان قلبك ينكسر ... بس هل معني كده انك تتخلي عن امنياتك واحلامك ؟!!
7_زعلانين اوي علي اننا فقدنا الشخص الغلط ... !! طب متخيلين صعوبة ضياع الشخص الصح مننا ؟؟!!
8_اخرجوا واتفسحوا واضحكوا ... جربوا حاجات جديدة .
9_محاولات الابتعاد عن طريق الفيسبوك والشرب بأنواعه محاولات فاشلة جدا وهترهقكم اكتر . مع ان البيتزا في قعده حلوة مع صحابكم هتنسيكم الدنيا .
_  بلاش أغاني وخاصة  انها تكون حزينه اسمعوا قراءن لحد ما ترتاحوا  .
11_أوعوا تتكسفوا من اللي فات  ومن اللي حصل .... عادي كل واحد يعمل اللي هو عاوزه . 12_نصيحة امسحو الرسايل والصور واي ذكري فورا لانها هتنكد عليك ... امسحها خالص وحتي لو جتلك فرصه انك ممكن ترجع .... ارجع  علي نطافه احسن .
13_لو تقدرو تاخدوا إجازة كام يوم وتتفسحوا يبقي اخر تمام .
14_حارب أي عذر ممكن تفكر فيه علشان ترجع تاني ... متنساش ان العلاقه انتهت لسبب تافه .
15_اعتبر انها فرصه تتعلم اكتر عن نقاط ضعفك وقوتك .. كلنا بنتعلم من الحياة .
16_افتكر انهم في يوم كانوا اوحش حاجة حصلتلكم .
17_اتمني اني اعرف افهم ولادي الصغيرين ان كسرة القلب هتعلمهم كتير واكيد هيقابلوها في حياتهم ... المهم نتعلم
ونعرف فين كان الغلط.
18_متخلوش اللي حصل يحولكم لشخصيات ساخرة وفوضويه .
19_حبوا نفسكم الأول ... اهتمو بنفسكم بالرياضه وروقان البال .. هات لنفسك طقم حلو ..جرب كدا تاخد دش وتجيب اكله حلوه قدام التلفيزيون مع اللي معاك في البيت ... اطلع برا الصندوق وعيش
20_لازم تاخد كل يوم شويه من وقتك وترسم لنفسك صوره للشخص اللي انت عاوزه ومميزاته وايه اللي ممكن تستحمله منه ... اعمل لنفسك هدف .
لو عامل عمليه وصدرك تاعبك .. افتكر ان الايس كريم ممكن بيخففه والالم بيروح وبننساه .
22_الغوا الصداقه والمتابعه وبلاش تلقيح بالبوستات .والحالات. بطلو هري في نفسكم ملوش لازمه ... هما عايشين حياتهم ولا هيبصوا عليكم ولا هيندمو لانهم مشيو بمزاجهم ... كملو انتوا حياتكم بمزاجكم
23_ركزو دايما علي فكرة انهم مكانوش يستاهلوكماللي يستاهلوكم لسه وقتهم مجاش

الحياة بتمشي .. بيها  من غيرها  هتمشي ... هاتولي اسم واحد مات بسبب فراق .. وجع القلب صعب .. منصعبوش ونخليه يدمرنا .. بالعكس دي فرصه تقوم وتقف وتبقي عرفت عيوبك ونقط ضعفك فين