المشاكل والاضطرابات النفسيه بقلم كريم سيد شاكر
 |
| كريم سيد شاكر |
كتيرمن الناس بيشتكوا من مشاكل نفسية وعشان نلخص القصة اسمعوا منى الله يرضى عنكم !! المشكلة دايمًا بتكون
نتيجة لتراكمات كتير جواك .. زحمة كراكيب انت مش قادر تعبر عنها .. أو مقدرتش تعبر عنها فى يوم .. سواءًا فضفضة ’ حزن ’ لحظات انتقام فرح حب صريخ إساءة إنتهاك كرامة .. كل ده كتمته جواك فطلع على هيئة مرض نفسي والحل الاول ياصديقي إنك تتعود تعبر عن كل مشاعرك
تقول للى بيأذيك إن ده بيأذيك ..
تقول للى بينتهك كرامتك وحدودك النفسية إنك مبتحبش ده ..
عبر فى جمل بسيطة عن كل أحاسيسك وبالله كفاية كتمان تانى حاجة اشغل الهواجس اللى عندك بحديث النعم ..
بص على خمس حاجات فى حياتك مميزة واكتبهم وامتن ليهم كتير ..
حتى لو حاجات بسيطة جدًا بص حواليك لو فى شخص واحد بيحبك.. اعرف إنك فى نعمة كبيرة ..
تالت حاجة .. بص كويس لنفسك .. متحرقش نفسك عشان هى ليها عليك حق .. خليها تستمتع وتعيش متقولش عشان فلان وعشان علان .. هيجيلك وقت وهتدخل فى دايرة مش هتعرف تطلع منها !! عشان كده ادى نفسك جرعة سعادة وراحة بالله عليك جرب وهتشوف الفرق😉
#كريم سيد شاكر
ليست هناك تعليقات :