ادعوا للى راحوا ..!! بقلم الفنانه اسراء مصطفى

بقلم :- اسراء مصطفى راشد

لما حد عزيز علينا بيموت... الدنيا بتسود ف وشنا لدرجه انك هتفكر ان الشخص ال قدامك ده عايش ميت.
انك تحس ان الامل ال كنت عايش راح.. و مش هيرجع
انك تحس ان الدنيااا مبقاش فيها امل تاني
انك تحس ان الشخص ال كان نفسك تعيش معاه عمرك كله ( بفرحه و حزنه و حلوه و مره) مش هيعيش معاك تاني.
انك تحس ان حته منك بقت ف عاالم و انت ف عاالم- لا شك انه عالم احسن من عالمك بكثير -
وقتها بتحس بدمارك
          بتحس انك عايش بس مش انت.
          بتحس انك انت ال مت مش هو
          بتحس انك فقدت كل ما تملك
          بتحس انك الميت الحي.
عارف لحظه انك تقبل جبين ميت.
عارف احساسك وقتها
ساعتها بس يعني ايه فراااق
      يعني ايه حد يسيبك و ميرجعش.
      يعني ايه مش هتحكيله حاجه تاني.
      يعني ايه مش هتهزر معاه تاني.
      يعني ايه مش هتشوفه بيضحك تاني.
      يعني ايه لما تصحي مش هتلافيه ف سريره
    يعني ايه لما تتعرض لموقف مش هتلاقيه عشان تحكيله. 

هو ده الفراق ال يموت قلبك بجد.. الفراق مش ان ولد و بنت يسيبوا بعض مش ان خطبتك / خطيبتك تسيبك.. لاااااا
الفراق يعني موت حد انت بتحبه..

عاارف...! ايه الاصعب من ده و ده.
لو كان نفسك تقوله حاجه جواك ( تعترفله بحاجه كنت مخبيها عنه.. حاجه كنت بتكابر عشان تقولهاله.. كنت فاكر انك بتعقبه لما متقولش الحقيقه.. كنت فاكر انك بتحمي كرامتك و انت مش عايز تسمعه.. كنت بتاجلها عشان فاكر انك لما تلاقي الوقت المناسب هتقولهاله و تعاتبه و تاخد حقك منه.....)
وقتها بتحس انك اضعف واحد ع وجه الارض.. بيبقي نفسك تصرخ و تقوله ال جواك.. تقوله كلمه واحده تعبر عن كل حاجه عايز تقولها.
وقتها بتتمني انك ترجع الزمن لورا عشان تعترفله بكل حاجه
وقتها بتتمني انه لو يرجع للدنيا دقيقه واحده هتعترفله بكل حاجه... بكل حاجه... حتي لو هتيجي ع كرامتك.. حتي لو تعاتبه و انت بتحبه.. بس هتقول كل الجواك.
بس عمرك مهتعرف ده.. لانه بساطه محدش بيرجع بعد م بيموت
 هو عمره م هيرجع... بس انت هتفضل عاايش بوجعك ال فاضل من حيااتك... ف بلااااااااااااااااااش تعملوا ف نفسكوا كده.
واجهوا.. عااتبوا.. زعقوا ف بعض..بس بلاش تسكتوا و تبعدوا و انتوا جواكوا كلام لبعض.. لو حد فيكوا راح ف ثانيه.. التاني هيتعب.

احسنوا لمن تحبوا فإن الموت لا ينتظر.
احسنوا لمن تحبوا فإن الشوق بعد الموت لا يطاق.

الخلاصه :
الفراق.... يعني الموت
لو بتحبوا... اعترفوااا
متسيبش لحد جواك كلام... عشان لو راح - مات- و انت مش قولت الجواك هتفضل طول الوقت مدمر.
قول الحلو و الوحش.. عشان متجيش عليك لحظه يبقي نفسك تطلع الجواك و مش هيطلع لانه المفروض كان له وقته و شخص واحد بس.. و الوقت راح و الشخص مبقاش موجود.
ادعوا للى راحوا عشان مبقاش ف ايدينا غير الدعاء ليهم و التمني ان ربنا يقبل مننا.