*** الخلان *** -قصة زجلية- عثمان بن الطيب

ساير والقلب معطر..
وفال الخير فاله..
ساير والقدر مسطر..
لا يتسنى من يساله..

مر خيال جواره..
معن فيه انظاره..
تراه خليل البارح..
في طريقه هايم سارح..
غشات نواره عتمة..
من كان يلالي نجمة..
من كان يشرق بالبسمة..
سبحان من غير الرسمة..

ساله على الحال وسبابه..
تراه قراح جوابه..
وقف الباس في اعتابه..
ملي ساؤوا اصحابه..
وقرب ما حرام شرابه..
وقع في شباك سرابه..
لي ما كان في يوم طلابه..
ولا ظن في زمان يقرابه..
فقد في مسعاه صوابه..

من فال الخير فاله..
رفق بخليله وحاله..
ساله يفك عقاله..
يشد معاه رحاله..
لطريق الله ورجاله..
يحيي مع المولى وصاله..
وينجى من سوء مآله..

استبشر خليله بفاله..
نوى يتبع امثاله..
لما شاف الخير قباله..
والمولى بعزه وجلاله..
ماد للعباد حباله..
تواب على من مالوا..
يغفر من الذنب جباله..

مشوا والقدر مسطر..
لا يتسنى من يساله..
مشوا والقلب معطر..
وفال الخير فاله..

هذه قصة الخليل اللي مالت احواله..
في طريق اللعين ثقالت احماله..
لما نجاه صديقه من خباله..
صديقه اللي فال الخير فاله..
من في هد الزمان امثاله قلالو..

-عثمان بن الطيب-